突然一次過用晒啲野，所以有野可以開心share😁👍🏻由右至左上至下：
背景：學生（廿幾，所以窮，儲夠錢寧願去多啲旅行，惟有搵平又好既野用），懶訓（所以化妝要快）
膚質：混合偏乾，易敏感，冬天鼻會甩皮，唔會點出油的膚質。
1.明色美顏水
評分：⭐️⭐️⭐️⭐️
係日本買，好平（香港sasa好似$58），倒落化妝棉到輕輕抹面感覺好乾淨，妝前用個妝冇咁易出油，試過擠完黑頭濕敷五分鐘，收毛孔功效好好。缺點係好大浸西瓜霜定酒精味，第一次用會有啲刺面同頂唔係好順浸味。不過又冇敏感情況，愈用愈鍾意，半年多啲就用晒～
2.Chifure(ちふれ)化粧水
評分：⭐️⭐️⭐️⭐️
呢個牌子香港冇乜見人提，可能打長少少😂（其實我都係有日本妹妹介紹先識lol）
都係係日本買，不過兆萬見過有，日本妹話係學生恩物！真係勁平（550円ー650円)，官網話用米提煉。個人覺得幾潤幾好，冬天超乾個陣唔多可能夠力，所以冬天會先用精華再用，而夏天就啱啱好。
佢其實有唔同配方，用晒呢枝係普通，我仲買左防敏同保濕，個人覺得普通最好用，因為其他好似太潤太厚，會有油脂粒。
另外都有買cream，未用晒⋯⋯因為唔鍾意用lol單純補濕係做到，質地都唔厚（普通版唔厚，防敏版好厚），但好似唔係好吸收到，上完面十分鐘都未吸晒入去，所以轉左用黎搽身。都係500-700円，所以搽身都抵😂
3.Biore防曬噴霧
評分：⭐️⭐️⭐️
呢枝應該大家都聽過？
妝後噴面唔影響個妝，噴霧好方便，噴得好均勻，其實好好...不過...缺點係好快用晒，我已經淨係用係面，但日日用個半月左右就冇晒，所以好似傳統乳狀抵啲！
4.RHOTO小花眼藥水
評分：⭐️⭐️⭐️⭐️⭐️
我戴con之後就淨係用佢，有素眼用同戴con用兩款，成日戴con所以con用款消耗得快好多！優點係好潤但唔會好似樂x個啲好冰涼（個種係冷氣間滴真係覺得隻眼雪凍左咁，冰鎮眼球）。至於素眼個隻我媽媽好鍾意用，佢話戴眼鏡睇得電腦mon耐，對眼好攰個陣滴一次就個效果可以last到好耐。優點二係好平，廿幾三十蚊港紙到！
5.Innisfree礦物碎粉
評分：⭐️⭐️⭐️⭐️
應該又係大家都識orz
平（香港專門店賣$55，ig/水貨賣$3x，韓國$30-35）、透明、控油時間長（不過我唔係好出油但上左個妝keep得耐過好多粉餅），細細盒可以用好耐，但已經用左第三定四盒。缺點最近發現到，因為有比較！就係好粗，所以就算佢透明同上得好薄妝感都會有啲粉粉地樣。但整體黎講佢性價比真係冇得輸。
6.eyebrow coat
評分：⭐️⭐️⭐️⭐️⭐️
成個妝最易甩係眉，所以top coat對我黎講真係好重要😭12蚊店（Daiso)名物！香港賣$12，日本108円，價錢我暫時搵唔到同類產品平過佢！效果好好，上完條眉真係十一二個鐘都仲有八九成係到（至少眉尾唔會冇左），透明，好快乾！缺點係佢係指甲油咁樣，所以一拎上黎要好似搽指甲油咁調較份量，同用到最尾枝野會比個掃污染到變左啡色（其實應該係要一段時間清潔個掃...係我太懶唔關佢事）。
7.曼秀蕾敦 樂膚淨潤色隔離乳（spf 50 pa++)
評分：⭐️⭐️
唔上粉底既日子我會用佢做底妝，優點係快，先滴足夠份量係手中，搓暈再拍上面，防曬隔離三十秒完成，基本上零遮瑕度（佢係防曬隔離，冇遮瑕度好正常）。不過佢suppose係matt finish，但係我身上完全唔可以唔上碎粉。大概四個鐘都會有啲啲覺得佢焗住個面，八個鐘就會一定要落妝先舒服sosad我見過有啲blogger話用完呢枝再上粉底，我未試過（唔敢試）lol有冇勇士真係試過？係咪我用錯左？sosad
8.RHOTO小花洗眼水
評分：⭐️⭐️⭐️
唔知係咪我隻眼構造有啲特殊，卸完妝眼角同下眼入面會有啲眼線眼影加眼分泌物既黑色合成體會卸唔走，一般會用棉花棉印佢出黎，但感覺好似都唔多夠乾淨，所以試下用洗眼水。呢枝其實幾好用，有個軟膠（用前洗乾淨）倒入洗眼水，吸住隻眼，重複擠壓舊同抬高頭，一分鐘左右就搞掂。唔「拿」眼，真係沖完感覺隻眼潤啲唔會成晚痕，大概一星期用一至兩次。不過只用過呢枝所以冇比較，缺點係，咁細枝用七至八次左右，但要四五十蚊港紙，有啲肉赤🙈
9.ROSETTO綠泥洗面奶
評分：⭐️⭐️⭐️⭐️⭐️
Sorry好似又係好多人講過既野🙈
已經用過晒粉紅色粉藍色綠色同黃色，呢隻牌子既洗面奶真係好抵好出色👍🏻我個人覺得一定要用起泡網先發揮到最大既功效！
綠色最清爽乾淨但洗完會乾，朝早用唔多舒服！
粉紅色真係有美白緊緻功效，用左半枝就見到！
黃色最冇乜特別...
粉藍色防敏最溫和，朝早洗完都唔乾。
打完發覺其實好多野都有好多人講過，好似廢廢地，sorry 😂😂不過無計，窮學生真係睇好多review先敢比錢出黎買（窮又要貪靚），希望幫到下手，多謝你睇到呢到🙇🏻拋磚引玉大家交流下平靚正既野🙊👍🏻
留言列表
